schriftelijke vragen Zwiers (PvdA)- Dubbele plaotsnaamborden
Een raadslid (PvdA) stelde op 12 februari 2024 schriftelijke vragen aan het college van burgemeester en wethouders van Borger-Odoorn.
Brief van het college
Deze brief is niet in losse vragen en antwoorden uit te lezen. Hieronder staat de tekst; het origineel staat via de link.
Hoofdstraat 50 7875 AD Exloo Postbus 3 7875 ZG Exloo T 14 0591 T (+31) 591 535353 (vanuit buitenland) E [email protected]
Gemienteraod Börger-Oring
Oes tieken
12997-2024:584423 Behandeld deur
J. Ymker Deurkiesnummer
14 0591 Bijlage
Datum
5 mèert 2024 Onderwerp
Beantwoording schriftelijke vraogen PvdA met betrekking tot dubbele plaotsnaamborden in de streektaol
Beste leden van de raod,
Op 12 febrewari 2024 hew schriftelijke vraogen ontvangen van de heer Zwiers namens de PvdA-fractie over dubbele plaotsnaamborden, borden in de streektaol.
Via dizze brief geef wij antwoord op dizze vraogen. Veurdaw dat doet, wil wij je geern eerst metnimmen in het juridische kader dat der toe döt veur de plaotsnaamborden en het systeem ISA.
Juridisch kader plaotsnaamborden De plaotsnaamborden die de bebouwde kom angeeft (blauw met witte letters) hebt een juridische status op basis van de Wegenverkeerswet 1994 en het reglement Verkeersregels en Verkeerstiekens 1990. Dat betiekent daw oes hierbij holden moet an de wettelijke bepaolingen.
Naor anleiding van de Europese wetgeving met betrekking tot de toepassing van het systeem ISA (Intelligente Snelheids Assistent) in auto’s is der deur verkeersbordenfabrikanten een nei bebouwde kombord ontwikkeld. Het giet um een bebouwde kombord met het darpsangezicht van een denkbeeldig darp
2 waormet het veur de auto vortdaolijk dudelijk is dat der maximaol 50 km/u reden worden mag. ISA gebroekt under meer een camera die snelheidsborden herkent um bestuurders visueel, middels audio en / of deur het gaspedaal op snelheidsovertredingen te wiezen.
In bijlage 1 van Reglement Verkeersregels en Verkeerstiekens 1990 staot de verkeersborden opnummen. Het bebouwde kombord met darpsangezicht is hier nog niet in opnummen. Der bint gemientes die evenzowal al bebouwde komborden vervangt deur borden met dit toekomstige symbool. Mar der bint vraogtiekens bij de handhaafbaarheid van dizze borden. Kiek b.v. naor: https://www.crow.nl/over-crow/nieuws/2024/januari/komborden-met-skylinevoldoen-niet-aan-regelgeving. Daorum biw nog niet gangs met de umvörming van oeze bebouwde komborden met betrekking tot ISA.
Vraog 1, Diel ij de miening van de PvdA-fractie dat dubbele plaotsnaamborden een schier initiatief is? Zo nee, waorum niet?
Wij vindt het van belang dat het Drèents as streektaol beholden blef en aandacht kreg; het vörmt een underdiel van oeze identiteit, oeze cultuur en oes arfgoed.
Het gebroek hiervan op de plaotsnaamborden zul hieran bijdragen kunnen. Ok kan het gebroek van de streektaol in de openbare ruumte een positieve bijdrage levern an de toeristische beleving van oeze gemiente.
Vraog 2, Ziej meugelijkheden um tegen geringe investering, bijveurbeeld met stickers op bestaonde borden, dit meugelijk te maken?
Nee, veur de darpen met een ofwiekende naam in het Drèents geldt dat de plaotsnaamborden allemaol vervangen worden moet, umdat de ruumte veur de anduding van de Drèentse naam anvullend op de naam in het Nederlands ontbrek. Daornaost geldt: Hoe groter het bord, hoe hoger de anschafkosten. Ok kan het weden dat neie paolen, bevestigingsmateriaal en zo neudig is bij het plaotsen van grotere borden. As de borden anpast wordt in het kader van ISA dan zal de extra investering um tegeliek de Drèentse naam toe te voegen klein weden.
Op dit moment is niet bekend of en wanneer gemientes hier wettelijk bekeken met gangs moet. Het vervangen van de borden vrag wál um extra middeln.
3
Vraog 3, Hej aandere plannen um de streektaol levend en zichtbaar te maken in oeze gemiente?
Wij understeunt het Huus van de Taol met het levendig holden van de streektaol met een jaorlijkse subsidie. Daormet wordt under meer in het Drèents veurlezen op de basisschoelen, wordt Drèentse poëzie en literatuur oetgeven en wordt het tiedschrift Wiesneus verspreid under kinder. De Drèentse tekst van Gerard Nijenhuis op sporthal de Koel’n komp weerumme. Wij bint an ’t kieken of wij meer streektaol teksten van oeze vroggere gemientedichter in de openbare ruumte kunt toepassen.
Wij rekent der op daw je hiermet genog informeerd hebt.
Hoogachtend, Burgemister en wetholders van Börger-Oring, de sikketaoris,
de burgemister,
mr. M.N.J. Broers
mr. J. Seton
Bekijk de brief: Beantwoording schriftelijke vragen Zwiers (PvdA)- Dubbele plaotsnaamborden
Bron: raadsinformatie van de gemeente Borger-Odoorn (Open Raadsinformatie). De vragen en antwoorden zijn automatisch uit de brief gelezen; het origineel is leidend.