‘Fetraagde râneparkearplakken Dokkum en begrutte ynkomsten’
Een raadslid stelde op 22 april 2026 schriftelijke vragen aan het college van burgemeester en wethouders van Noardeast-Fryslân.
Brief van het college
Deze brief is niet in losse vragen en antwoorden uit te lezen. Hieronder staat de tekst; het origineel staat via de link.
Oan de leden fan de ried fan de gemeente Noardeast-Fryslân Postbus 1 9100 AA Dokkum
Ons kenmerk:
Cluster
2026-072040 Omjouwing en Ekonomy
Datum:
21 april 2026
Onderwerp: Verzoek behandelen raadsvragen - Visserij Ontwikkel Plan Onderwerp: Beantwurding riedsvragen S!N Fertraagde râneparkearplakken Dokkum en begrutte ynkomsten Geachte raad, Achte ried, Op 16 maart 2026 hat frou Van der Staal fan fraksje S!N, op grûn fan artikel 52 Reglement van Orde skriftlike fragen steld oer fertrage râneparkearplakken Dokkum en begrutte ynkomsten.
Yn dizze brief jouwe wy antwurd op dy fragen.
Fraach 1: Wannear is it kolleezje der foar it earst fan op 'e hichte steld dat de ynfiering fan betelle parkearjen op de râneparkearplakken net by 1 jannewaris 2026 helber wêze soe?
Antwurd: Wy seagen dat de ynfiering fan it betelle parkearjen op de râneparkearplakken net tidich realisearre wurde koe en dat waard dúdlik op 17 maart 2026 doe’t in kolleezjeadvys op de aginda kaam.
Freegje 2: Wêrom is de gemeenteried net earder aktyf ynformearre oer dizze fertraging?
Antwurd: It kolleezje hat op 17 maart gjin beslút nimme kinnen op it advys, mar it stik oanhâlden en oanfoljende fragen steld en om in (oanpaste) riedsbrief frege, just om de ried adekwaat en korrekt ynformearje te kinnen. It kolleezje hat hjiroer noch net opnij rieplachte kinnen.
Fraach 3: Yn it berjocht wurdt oanjûn dat de fertraging ûnder mear te krijen hat mei technyske tariedingen, oanslutingen en it partisipaasjetrajekt. Kin it kolleezje konkreet oanjaan hokker faktoaren de grutste oarsaak binne fan de fertraging?
Antwurd: Nee, spitigernôch hat it kolleezje noch net genôch sicht op de faktoaren dy't ta de fertraging liede en de mjitte fan ynfloed dy't noch útoefene wurde kin om de fertraging te beheinen. Dat is ien fan de redenen dat it kolleezje om neiere amtlike advisearring frege hat op 17 maart 2026.
Fraach 4: Yn de gemeentebegrutting foar 2026 wurdt rekken hâlden mei sa’n € 580.000 oan parkearynkomsten. Hoe grut is it finansjeel tekoart dat troch de fertraging ûntstiet?
Antwurd: Ek hjiroer hat it kolleezje noch net genôch dúdlikheid. De omfang fan it tekoart hinget ôf fan it momint fan ynfiering. We binne op dit stuit dwaande mei de oanpassingen oan de regeljouwing (parkearjen en blauwe sônes) en de tariedings fan de ynrinjûn foar belanghawwenden. Dêr sille fragen en winsken wêze oer de parkearfergunningen en ûntheffingen foar bewenners en wy kinne op dit stuit noch net oersjen
wannear't dit foar de ynwenners regele wêze kin. It kolleezje sil, sadree't hjir dúdlikheid oer bestiet, de ried fuortendaliks ynformearje, lykas ek foarskreaun yn de finansjele feroardering.
Fraach 5: Hoe is it kolleezje foarnimmens dit tekoart op te fangen binnen de begrutting?
Antwurd: It kolleezje monitoaret alle yn de begrutting opnommen besparrings op feitlike realisaasje en hat de amtlike organisaasje opdroegen te ûndersykjen at alternative besparringsopsjes mooglik binne, at bepaalde rûzingen net helle wurde. Dat jildt ek foar dizze tsjinfaller.
Fraach 6: Is der in risiko dat de ynfiering nei oktober 2026 op 'e nij fertraging oprint? Sa ja, hokker maatregels nimt it kolleezje om fierdere fertraging foar te kommen?
Antwurd: Lykas hjirfoar al oanjûn fynt op dit stuit neier ûndersyk plak nei de feitlike fertraging en it finansjele effekt dêrfan, mar ek nei mooglikheden om dy fertraging te beheinen. Dêrmei wurdt ek yn byld brocht oft der noch in fierdere fertraging te ferwachtsjen falt. Sadree't it kolleezje dêr dúdlikheid oer hat, sil de ried hjiroer fuortendaliks ynformearre wurde.
Fraach 7: Hokker gefolgen hat dy fertraging foar de útfiering fan it brede parkearbelied yn Dokkum?
Antwurd: It kolleezje sjocht de ynfiering / útwreiding fan betelle parkearjen op de râneparkearplakken yn it foarste plak as in maatregel om finansjele romte te kreëarjen en hat dêrmei net direkt ynfloed op oare aktiviteiten om it brede parkearbelied út te fieren, dy't benammen rjochte binne op konsintraasje fan it parkearjen safolle mooglik bûten de binnenstêd.
Mei freonlike groetnis, Boargemaster en wethâders fan Noardeast-Fryslân,
H.J.C.M. Verbunt, MBA
mr. J.G. Kramer
Siktaris
Boargemaster
Bron: raadsinformatie van de gemeente Noardeast-Fryslân (Open Raadsinformatie). De vragen en antwoorden zijn automatisch uit de brief gelezen; het origineel is leidend.