Overlast Camminghaburen

Vraag 1

De gemeente jout oan dat der op’t stuid mear tafersjoch fan de plysje is en dat dit sichtber de oerlést ferminderet, mar tagelyk is it in gegeven dat de plysje te min man/froukracht op strjitte hat. Hoe wol de gemeente dit benammen de kommende moannen hanthavenje?

Antwoord van het college

Antwoorden De lokaasje Lieuweburgzoom (eartiids Kronenbergerpark neamd) is yn oktober 2023 troch de ‘Taskforce Jeugdoverlast’ beneamd as saneamde hotspotlokaasje. De ketenpartners (handhaving, strjitcoaches, plysje en Amaryllis jongerenwurk) wurde dêrmei frege om dizze lokaasje as prioriteit mei te nimmen yn har rondes.

Handhaving en Amaryllis jongerenwurk bin alle dagen yn de Lieuwenburgzoom en gean dan ek yn petear mei de jongerein oer har gedrach. By it konstatearjen fan strafbere feiten wurdt der boppedat beboete.

Ek de plysje jout sûnt oktober in hegere prioriteit oan de lokaasje Lieuwenburgzoom. De lokaasje wurdt faker meinaam in de kontroles en der wurdt safolle mooglik op fjoerwurk- en oerlêstmeldingen reagearre. De wykagint is op de hichte en belutsen by de problematyk. De plysje kin net altyd oanwêzich wêze yn de wyk, mar troch de hegere prioriteit wol faker dan foarhinne.

Fan de plysje en handhaving hearre wy dat de oerlêst yn de Lieuwenburgzoom fermindere is, sûnt it beneamen fan de lokaasje as hotspot. Meardere bewenners dy’t oanwêzich wiene by de gearkomste werkenne har yn dit byld; de (fjoerwurk-)oerlêst is net hieleal ferdwûn, mar wol minder wurden.

Fierders joegen sy oan dat der noch wol swerfôffal efterlitten wurdt en dat se har oer it algemien ûnfeilich fiele. De yntinsivearring fan it tafersjoch liket effekt te hawwen, mar wy hâlde de ynset goed yn de gaten en passe dit oan at dit nedich is.

2.

Binne de jongerein dy’t de oerlêst feroarsaakje, by de gemeente bekend en komme se út dizze wyk?

De strjitcoaches en Amaryllis jongerenwurk binne alle dagen oanwêzich yn de Lieuwenburgzoom en ha dan ek contact mei de jongerein. In soad jongerein bin dan ek bekend. Brieven wurde ek ferstjoerd troch de boargemaster oan de âlders/fersoargers fan jongerein om se der op te wizen dat harren bern oanwêzich is op lokaasjes wêr oerlêst plakfynt. Fan alle jonglu dy’t in brief krigen ha, komt it grutste part út Camminghaburen.

 Blad 2

Mei it each op it boppesteande hat de gemeente it byld dat it grutste part fan de oanwêzige jongerein út de wyk self komt. Mar der bin ek wolris jongerein út oare wiken yn it park. Yn dit ferbân wolle wy der ek op wize dat jongerein yn ferskillende groepen byinoar komme en dat der dus gjin fêste jeugdgroepen binne dy’t foar oerlêst soargje. 3.

Is de gemeente mei dizze jongeren yn gesprek?

Der is kontakt mei de jongeren en harren âlden/fersoargers fia strjitcoaches en Amaryllis jongerenwurk. De strjitcoaches en Amaryllisjongerenwurk bin faak oanwêzich yn de buert en prate mei de jongeren. Amaryllis jeugdwurk hat ek in byienkomst organisearre om mei jongeren te praten oer de oerlêst yn de Lieuwenburgzoom.

Amaryllis jongerenwurk tinkt ek tegearre mei de jongerein nei oer mooglike oplossing foar de oerlêst. Strjitcoaches nimme ek geregeld (telefonysk) kontakt mei âlden/fersoargers as se ûnwenslik gedrach ûnder jongeren op strjitte sjogge.

Sa as earder oanjûn binne ek âlden/fersoargers troch de boargemaster op de hichte brocht fan de oerlêst yn en om de Lieuwenburgzoom. In oantal fan dizze brieven waard fysyk by de jongerein thús besoarge troch strjitcoaches of de wykagint. Ek op dy wize wie der kontakt tusken de jongerein, harren âlden/fersoargers en de strjitcoach of wykagint. Yn de brief fan de boargemaster steane kontaktgegevens fan in amtner Iepenbiere feiligens dêr't de âlden/fersoargers fan de jongeren terjochte kinne as se fragen ha of mei de gemeente prate wolle. Dat is ek in oantal kearen bard.

4.

Der is in wykbewenner dy’t him oanbean hat om as ”buurtvader” op te treden, om sa mei de jongeren yn kontakt te kommen.Wat docht de gemeente hjirmei?

Op de bewennersgearkomste yn Camminghaburen wiene ek jongerein oanwêzich. Nei de bewennersgearkomste fan 4 desimber 2023 is in ferfolchôfspraak makke om mei ferskate partijen fierder te praten oer mooglike oplossingen foar jeugdoerlêst yn de buert. Ferskate omwenners hawwe har oanmeld tegearre mei ûnder oare jongerein, Amaryllis jongerenwurk, it buertpanel en de gemeente. Dan wurdt der fierderpraat oer mooglike stappen om sa de oerlêst te stopjen en yn de takomst foar te kommen. Ek it idee fan de “buurtvader” sil oan de oarder komme.

 Blad 3

5.

6.

Ien fan de oanwêzige bewenners oppere dat der feitlik in konkreet stappeplan komme moat wêryn ôfspraken makke wurde kinne dy’t letter dan evaluerre wurde kinne. Is de gemeente fan doel hjirmei oan de slach te gean?

Fanút de gemeente sette wy mei de Taskforce Jeugdoverlast yn op de oanpak fan jongerenoerlêst. Dit bart op basis fan in besteande metodyk en structuur. Wy folgje en evaluerje de oanpak yn de Taskforce Jeugdoverlast.

6. Wol de gemeente nei oanlieding fan dizze jûn, yn oarre wiken ek sa’n jûn organisearje, om it breder te lûken en strukturiel hjir oandacht en oplossings te sykjen?

De Taskforce Jeugdoerlêst jout struktureel omtinken oan jeugdoerlêst. Dêr besprekke wy periodyk wat der oan de hân is en wat der nedich is foar it bestriden fan jeugdoerlêst. It organisearjen fan in bewennersgearkomste is gjin standertmaatregel tsjin jeugdoerlêst, mar it kin wol.

Fierder sille wy ûndersykje wat nedich is foar de strukturele oplossing foar de jeugdoerlêst yn de Lieuweburgzoom. Wy ferwachtsje dat der konkrete plannen út dizze ôfspraak komme.

Dêrnei sille wy de wyk, fia it wykpanel, ynfoarmearje oer de útkomsten en folgjende stappen dy’t naam binne.

Leeuwarden, 16 januari 2023, burgemeester en wethouders van Leeuwarden,

burgemeester.

Signed By: Buma, Sybrand <[email protected]> 18/01/2024 11:32:30 CET {{Signer1}} ID: c7237ddd-bae7-407e-bd97-a149f7810448 Auth: Scribble

secretaris.

Signed By: de Jong de, Eelke <[email protected]> 17/01/2024 10:18:09 CET {{Signer2}} ID: c7237ddd-bae7-407e-bd97-a149f7810448 Auth: Scribble

*Dit document is rechtsgeldig digitaal ondertekend.